• 06 наурыз 2026
• 140

Спартакиада қорытындыланды

8 наурыз – Халықаралық әйелдер күніне орай Қорқыт ата атындағы Қызылорда университетінде оқытушы-профессорлар құрамы мен қызметкерлері арасында волейбол және дартс спорт түрлерінен өткен спартакиаданың жабылу салтанаты өтті.

Салтанатты жиында университеттің Басқарма төрағасы – Ректор Наурызбай Байқадамов қатысушыларды мерекемен құттықтап, жарысқа белсенді қатысқан ұжымдарға алғыс білдірді.

Спартакиада қорытындысы бойынша үздік ойын көрсеткен спортшылар арнайы номинациялармен марапатталды.

Дартс жарысының нәтижесі бойынша I орынды Ректорат командасы, II орынды Инженерлі-технологиялық институт, ал III орынды Жаратылыстану институты иеленді.

Ал волейбол жарысында I орын – Экономика және құқық институтына, II орын – Ректорат командасына, III орын – Жаратылыстану институтына бұйырды.

Іс-шара соңында жеңімпаздар мен жүлдегерлер марапатталып, барлық қатысушылар естелік суретке түсті.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru