• 10 маусым 2026
• 165

ӘКІМШІЛІК ӘДІЛЕТ – МЕМЛЕКЕТ ПЕН ҚОҒАМ АРАСЫНДАҒЫ ТИІМДІ ДИАЛОГТЫҢ КЕПІЛІ

Қорқыт ата атындағы Қызылорда университетінің өкілдері Қазақстан Республикасы әкімшілік соттарының құрылғанына 5 жыл толуына арналған ғылыми-тәжірибелік конференцияға қатысты. 
Жиынға облыс әкімі Мұрат Ергешбаев, облыстық сот төрағасы Әділхади Шағымбаев, құқық қорғау органдарының басшылары, сот жүйесінің ардагерлері, заңгерлер, мемлекеттік мекеме қызметкерлері, ғалымдар мен құқық саласының мамандары қатысты.

Конференция барысында әкімшілік әділет институтының қалыптасуы мен даму кезеңдері, азаматтардың құқықтары мен заңды мүдделерін қорғаудағы рөлі, сондай-ақ мемлекеттік басқару жүйесіндегі маңызы кеңінен талқыланды.
Жиында Қорқыт ата университетінің Экономика және құқық институтының директоры, PhD докторы Айнұр Исаева баяндама жасады. Ғалым әкімшілік әділеттің мемлекет пен қоғам арасындағы тиімді диалогты қалыптастырудағы орнына тоқталды.

Айта кетейік, Қорқыт ата университеті өңірдегі құқықтық білім мен ғылымды дамытуға, білікті заңгер мамандар даярлауға және құқықтық реформаларды ғылыми тұрғыдан зерделеуге үлес қосып келеді.

Қорқыт ата атындағы Қызылорда университетінің медиа орталығы