• 19 тамыз 2026
• 10

ЖАТАҚХАНАЛАРДЫҢ ЖАҢА ОҚУ ЖЫЛЫНА ДАЙЫНДЫҒЫ ТЕКСЕРІЛДІ

Қорқыт ата атындағы Қызылорда университетінің Басқарма төрағасы – ректор Наурызбай Байқадамов жаңа оқу жылына дайындық аясында университет балансындағы №5, №3 студенттік жатақханалардың дайындығын тексерді.

Ректор жатақханалардың қазіргі жағдайымен танысып, студенттерді орналастыруға дайындық барысын бақылады. Ғимараттардың санитарлық жағдайы, бөлмелердің жабдықталуы, инженерлік желілердің жұмысы, тұрмыстық және оқу орындарының жай-күйі назарға алынды.

Сонымен қатар, студенттердің қауіпсіздігіне ерекше мән берілді. Өрт қауіпсіздігі талаптарының сақталуы, бейнебақылау жүйелерінің жұмыс істеуі, кіріп-шығуды бақылау және санитарлық талаптардың орындалуы тексерілді.
Университет басшысы жауапты қызметкерлерге жаңа оқу жылы басталғанға дейін анықталған кемшіліктерді жоюды және студенттерге қолайлы жағдай жасауды тапсырды.