• 20 қазан 2026
• 104

СПОРТТЫҚ БАҒДАРЛАМАЛАУДАН ӘЛЕМ ЧЕМПИОНАТЫНЫҢ 1/8 ФИНАЛЫ ҚОРЫТЫНДЫЛАНДЫ

Қорқыта ата атындағы Қызылорда университетінің  «Информатика және АКТ», «Компьютерлік ғылымдар» білім беру бағдарламалары және Жасанды интеллект институты «Спорттық бағдарламалау федерациясы» республикалық қоғамдық бірлестігінің ұйымдастыруымен спорттық бағдарламалаудан студенттік командалық Әлем чемпионатының 1/8 финалдық кезеңі өтті.

Жарысқа 11 команда қатысып, алгоритмдік ойлау, логикалық талдау және бағдарламалау бойынша өз білімдері мен дағдыларын сынға салды.
Чемпионат барысында қатысушылар күрделі алгоритмдік есептерді шешіп, командалық жұмыс пен жылдам шешім қабылдау қабілеттерін көрсетті.

Тартысты білім додасы студенттердің бағдарламалауға деген қызығушылығын арттырып, кәсіби құзыреттіліктерін дамытуға және халықаралық деңгейдегі зияткерлік сайыстарға қатысу тәжірибесін қалыптастыруға мүмкіндік берді.

Қорқыт ата атындағы Қызылорда университетінің медиа орталығы