• 27 қаңтар 2023
• 1482

«Хабаршы» журналы электронды ISSN номерін иемденді

«Қорқыт Ата атындағы Қызылорда университетінің Хабаршысы» журналы электронды ISSN (Сериялы басылымның халықаралық стандарт нөмірін)  номерін иемденді. Париж қаласындағы Vivienne bourse – International standard serial number international centre (Халықаралық стандартты серия нөмері халықаралық орталығы) бекітетін бұл номер кез келген басылымға жайдан-жай беріле салмайтыны белгілі.

Журналдың шығу жиілігі, тұрақтылығы, сапасы, ғылыми тұжырымдарының қолданысы тыңғылықты зерделеніп, нәтижесі негізінде берілетін құжаттың талаптарына «Хабаршының» лайықты болып отырғаны үлкен қуаныш. Әлбетте, мұның артында әр жылдардағы университет ғалымдарының, редакциялық құрамның зор еңбегі тұр.

Айта кету керек, «Хабаршы» журналы 1999 жылдан бастап үздіксіз шығып келеді.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
e-mail: kmu.kmu@list.ru