• 16 ақпан 2023
• 1140

Ауған соғысы ардагерлеріне құрмет көрсетілді

Қорқыт ата атындағы Қызылорда университетінде Кеңес әскерінің Ауғанстан жерінен шығарылғанына 34 жыл толуына орай ардагерлермен кездесу өтті. Іс-шараға университеттің басшылық құрамы мен профессор-оқытушылар қатысты.
Жиында Басқарма төрағасы-ректор Бейбіткүл Кәрімова ардагерлердің ерлікке толы өмір жолдары жас ұрпаққа үлгі екенін айтты. Сонымен қатар, оқу орнының дамуы жолында, өскелең ұрпақ тәрбиесінің кемелденуіне қосып жүрген үлестері үшін алғыс білдірді. Қазіргі таңда университетте Ауған соғысының 2 ардагері қызмет етеді. Атап айтсақ, Гуманитарлық-педагогикалық институтының директоры Сағат Тайман мен «Тарих» кафедрасының меңгерушісі Қыдырбай Өткелбаев. Жиында ардагерлерге естелік сыйлықтар табысталып, құрмет көрсетілді.