• 23 ақпан 2023
• 1266

Жаратылыс сыры – ғылымда

Қызылорда қаласындағы Жамбыл атындағы №120 мектепте «Жаратылыс сыры – ғылымда»  атты семинар өткізілді.

Семинарға Қорқыт ата атындағы Қызылорда университетінің Жаратылыстану институтының директоры Нұрлыбек Ахатаев, жаратылыстану ғылымдарының магистрі, аға оқытушы Нұрқасым Ерболатов, «Өрлеу» біліктілікті арттыру ұлттық орталығының Қызылорда бойынша филалының тренері Орынкүл Мыханова және қала мектеп мұғалімдері қатысты.

Семинар барысында  университеттің Жаратылыстану институтының директоры Нұрлыбек Ақарыстанұлы мектеп түлектеріне ғылыми зерттеулердің маңыздылығы туралы айтып, кәсіби бағдар берді. Аға оқытушы Нұрқасым Нұртазаұлы мен №120  мектептің биология пәні мұғалімі Якияева Элмира «Тәжірибе – таным көзі» атты практикалық сабақ жүргізді.

Сонымен қатар, мектеп ұстаздары «Цифрлық 3d  платформасында әдіс тәсілдерді қолдану» тақырыбында тәжірибелерімен бөлісіп, мұғалімдер марапатталды.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
e-mail: kmu.kmu@list.ru