• 13 наурыз 2023
• 1092

Білім алушылар мемлекеттік қызметтің қыр-сырымен танысты

Қорқыт ата атындағы Қызылорда университетінің студенттері облыстық қоғамдық даму басқармасында өткен «Ашық есік күні» акциясына қатысты.  
Басқарма басшысы Алмасбек Есмаханов «Мемлекеттік және жергілікті басқару» мамандығының 1-курс студенттерімен кездесіп, мемлекеттік қызметтің қыр-сырымен бөлісті. Сонымен қатар, басқарманың негізгі функциялары - азаматтық қоғам институттарын дамыту, ақпараттық саясат, мемлекеттік тіл мәртебесі, жастар саясаты және этносаясат бағытындағы жұмыстарға тоқталды. 
Акция аясында білім алушылар басқарма бөлімдерін аралап,  толғандырған сұрақтарына жауап алды. Кездесу соңында басқарма басшысы жастарға облыс тарихынан сыр шертетін танымдық кітапты естелік сыйлыққа табыстады.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
e-mail: kmu.kmu@list.ru