• 15 наурыз 2023
• 1035

«Университет аруы – 2023» байқауының екінші кезеңі өтті

Қорқыт ата атындағы Қызылорда университетінде «Университет аруы – 2023» байқауының екінші кезеңі ұйымдастырылды. Сайыстың бірінші кезеңінде білімді әрі талантты 10 бойжеткен іріктелген болатын. «Ас – адамның арқауы» атты бұл кезеңде қыздар дәмі тіл үйіретін тағамдар әзірлеп, көпшілікке ұсынды.

Шараға университеттің Қорқыт ата атындағы Қызылорда университетінің Басқарма төрағасы – Ректордың м.а, Басқарма мүшесі – Ғылыми жұмыстар және халықаралық байланыстар жөніндегі проректоры Майнұр Бөрібаева қатысты.

Университетте «Қыз Жібек» қыздар клубы 2013 жылы ашылды. Клубтың басты мақсаты – тәрбиелі әрі білімді, ұлтжанды, салт-дәстүр мен мәдениетті дәріптейтін қыздардың ортасын құру. Бүгінде қыздар клубы осы мақсатта жүйелі түрде жұмыс жасап келеді.

Жәрмеңкеде бойжеткендердің еңбегін қазылар алқасы сараптап, қатысушыларға ас мәзіріне байланысты сұрақтар қойды. Нәтижесінде барлық қатысушы келесі кезеңге өтті.

«Университет аруы – 2023» байқауының финалдық кезеңі сәуір айында ұйымдастырылатын болады.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
e-mail: kmu.kmu@list.ru