• 20 наурыз 2023
• 908

Жас ғалымдар кеңесінің алдағы жоспары талқыланды

Қорқыт ата атындағы Қызылорда университетінде «Жас ғалымдар кеңесінің» отырысы өтті.  
Жиынға университеттің Басқарма төрағасы – Ректордың м.а, Басқарма мүшесі – Ғылыми жұмыстар және халықаралық байланыстар жөніндегі проректоры Майнұр Бөрібаева, профессор-оқытушылар, докторанттар мен жас ғалымдар қатысты.

«Жас ғалымдар кеңесінің» төрағасы Нұрғали Ақылбеков кеңестің өткен жылғы атқарылған жұмысы туралы есеп берді.

Айта кету керек, жас ғалымдардың ғылыми зерттеулерін қолдау үшін университет қаражатынан 2021 жылы тұңғыш рет арнайы грант бөліне бастады.
Бүгінде жас ғалымдар Рахметулла Жаппарбергенов «Разработка инновационного биоудобрения TerraPretaNova из отходов растениеводства и животноводства для органического земледелия», Бақытбек Исламбекұлы «Күріш кебегінен жантақ өсімдігімен механохимиялық активтеу арқылы кремнийлі жемдік және өсімдік өсуін реттегіш қоспаларын алу»,  Анель Қайырбек «Li-Fi сымсыз байланыс технологиясын модельдеу», Гүлмира Ахмедова «Жарма бағытына арналған өнімділігі және сапасы бойынша арпаның бастапқы материалын жасау» жобасын іске асыруда. 

Сондай-ақ, Нұрғали Ақылбекұлы осы оқу жылында ғылыми диссертация қорғаған ғалымдар, «Болашақ» бағдарламасының степиандаттары туралы кеңінен айтып өтті.
Жиын соңында Майнұр Әбілтайқызы кеңестің мақсат, міндетіне тоқталып, кеңес құрамн қайта бекітілді.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
e-mail: kmu.kmu@list.ru