• 05 сәуір 2023
• 1085

Профессор-оқытушыларға арналған семинар өтуде

Қорқыт ата атындағы Қызылорда университетінде профессор-оқытушылардың біліктілігін арттыруға бағытталған «Жоғарғы оқу орындарында педагогикалық жобалау жұмысын ұйымдастыру» атты семинар өтуде.  

Жиында табысты зерттеу жобасын дайындау, ЖОО-дағы педагогикалық жобалау жұмысының әлеуетін арттыру, ғылыми жобаларға арналған гранттық қаржыландыру конкурстарының ерекшеліктері туралы кеңінен ақпарат берілді.

Семинарда Е.А.Бөкетов атындағы Қарағанды университеті Қосымша білім беру факультетінің деканы, педагогика ғылымының докторы Сәулеш Мұқанова өз тәжірибесімен бөлісті. Шараға 60-қа жуық профессор-оқытушы қатысуда.

Айта кетейік, 27 наурызда басталған біліктілікті арттыру курсы 6 сәуірге дейін жалғасатын болады.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
e-mail: kmu.kmu@list.ru