• 06 сәуір 2023
• 920

Республикалық байқауда ІІ орын иеленді

«Ғылым онкүндігі – 2023» аясында Абай атындағы Қазақ ұлттық педагогикалық университетінде «Педагогикалық дебьют» байқауы өтті. Республикалық сайыс педагогикалық бағыттағы химия білім беру бағдарламасының студенттері арасында ұйымдастырылды.

Байқауға Қорқыт ата атындағы Қызылорда университетінің білім алушыларынан құралған «Chemunity» тобы қатысып, жүлделі ІІ орын иеленді.

Студенттер – Ақбота Әбілсейіт, Аймереке Айтбай, Гүлназ Оңғар, Әсемай Ахметова білімді жастардың бәсекесінде оң нәтиже көрсетті. Оларға «Биология, география және химия» кафедрасының профессоры, техника ғылымдарының кандидаты Анипа Тапалова жетекшілік етті.

«Педагогикалық дебьютке» республика бойынша 8 топ қатысып, нәтижесінде І орынды Абай атындағы Қазақ ҰПУ иеленсе, ІІ орынды Қорқыт Ата атындағы Қызылорда университеті, ІІІ орынды Қазақ ұлттық Қыздар педагогикалық университеті еншіледі.

Жеңімпаздарды шын жүректен құттықтаймыз!  

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
e-mail: kmu.kmu@list.ru