• 14 сәуір 2023
• 1042

AutoCAD - инженердің цифрлық құралы

Қорқыт ата атындағы Қызылорда университетінде «AutoCAD» бағдарламасы бойынша дәстүрлі облыстық турнир өтті. Ақпараттық модельдеу технологиялары орталығының ұйымдастыруымен өткен байқауға аймақтық жоғары және арнаулы оқу орындарының білім алушылары қатысты. 

Ғылым декадасы аясында өткен байқаудың ашылу салтанатында Әлеуметтік және тәрбие жұмыстар жөніндегі проректор Жандос Базартай сөз сөйлеп, қатысушыларға сәттілік тіледі.

Турнирдің қорытындысы бойынша ИС-21-3 оқу тобының студенті Нұрболат Абдрахманов І орын иеленсе, КД-21-1 оқу тобының студенті Балауса Зеңгібек пен  ТМО-20-1 оқу тобының білім алушысы Нұрсерік Тулеев ІІ орыннан көрінді. Ал жүлделі ІІІ орынмен ИСС-21-1 оқу тобының студенттері Ақнұр Сабырова, Бақдаулет Бозарбаев пен М.Мәметова атындағы Қызылорда педагогикалық жоғары колледжінің студенті Біржан Октябрин марапатталды. Жүлдегерлерге арнайы дипломдар мен бағалы сыйлықтар салтанатты турде табысталды. Сондай-ақ, барлық қатысушыларға сертификаттар мен естелік сыйлықтар берілді.Айта кетейік, облыстық шара 2019 жылдан бастап ұйымдастырылып келеді.

  Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
e-mail: kmu.kmu@list.ru