• 02 мамыр 2023
• 927

Жаратылыстану институты «Достық кубогын» иеленді

Қорқыт ата атындағы Қызылорда университетінде 1 мамыр - Қазақстан халқының бірлігі күніне арналған шағын футболдан турнир өтті. 
Жарыстың марапаттау рәсіміне Әлеуметтік және тәрбие жұмыстары жөніндегі проректор Жандос Базартай қатысып, мерекенің маңыздылығына тоқталды.
Сайыстың мақсаты - профессор-оқытушылар мен қызметкерлер және студенттер арасында әріптестік қарым-қатынасты нығайту. бұқаралық спортты дамыту. Шараға  барлық институттар мен құрылымдық бөлімдер қатысып, үздіктер анықталды.
Туринирдің қорытындысы бойынша ректорат командасы ІІ орын иеленсе,  Инженерлі-технологиялық институты ІІІ орын алды. Ал Жаратылыстану институты жеңіс тұғырынан көрініп, жеңімпаздарға "Достық кубогы" табысталды. 

Сонымен қатар, қатысушылар арнайы номинациялармен марапатталды. Атап айтсақ, «Үздік қақпашы»  – Ерик Үмбетов , «Үздік қорғаушы» – Сұлтан Нәжен , «Үздік шабуылшы» – Бақытжан Жұмаділла атанды. Жеңімпаздарға арнайы дипломдар мен медальдар табысталды.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
e-mail: kmu.kmu@list.ru