• 16 мамыр 2022
• 1610

Айғали Қалдыбек республикалық турнирдің жеңімпазы атанды

Орал қаласында Кеңес Одағының Батыры Мәншүк Мәметованы еске алуға арналған дзюдодан ерлер мен әйелдер арасында Х ашық республикалық турнир өтті. Екі күнге созылған дәстүрлі додаға еліміздің барлық өңірінен 300-ге жуық спортшы қатысып, бақ сынады.
Турнир қорытындысы бойынша ерлер арасында 81 келі салмақ дәрежесінде Айғали Қалдыбек І орын иеленді. Айғали Қорқыт ата атындағы Қызылорда университетінің дене шынықтыру және спорт мамандығының студенті.
Айта кетейік, жарыстың ерекшелігі, бірінші орын иегерлеріне ҚР спорт шебері атағы беріледі.