• 14 тамыз 2023
• 863

Білім алушылар тарихи орындарға саяхаттады

Қорқыт ата атындағы Қызылорда университетінің ұйымдастыруымен 12 тамыз – Халықаралық жастар күніне орай белсенді студенттер Түркістан облысының киелі және тарихи жерлеріне саяхаттады. Екі топтан құралған жастар сапары екі күнге созылды. Білім алушылар – Отырар қаласы, Арыстан баб, Гауһар ана, Қожа Ахмет Ясауи кесенелерін аралап, кешкі «Керуен сарайда» серуендеді.

Білім ордасының «Азық-түлік өнімдерінің технологиясы» мамандығының 3-курс студенті Нұрайым Сағнадинқызы саяхаттан алған әсерімен бөлісті.

-      Университет біз секілді жастарға мерекеге орай керемет танымдық саяхат сыйлағаны үшін дән ризамын. Қасиетті, киелі жерлердің терең тарихымен танысып, өз көзімізбен тамашаладық. Көңілді, қызықты сапар үшін ұйымдастырушыларға алғыс білдіремін, - деді студент.

Жастарға арналған бұл саяхат оқу жылы қарсаңында жаңа серпіліс сыйлады.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
e-mail: kmu.kmu@list.ru