• 14 қыркүйек 2023
• 1047

Кәсіпкер Жасұлан Серіков «Жетістіктер формуласы» атты шеберлік сағатын өткізді

Қорқыт ата атындағы Қызылорда университетінің түлегі, кәсіпкер Жасұлан Серіковтің қатысуымен «Жетістіктер формуласы» атты шеберлік сағаты ұйымдастырылды.

Кездесуде университет түлегі студенттерге АҚШ-тағы кәсібі, жетістікке жету барысында өткен оқиғалары жайлы айтты. Әңгімелесу кезінде екі ел арасындағы менталитет, тұлғалық даму, ағылшын тілін үйрену әдістерімен де бөлісті.

Жиында университеттің Әлеуметтік және тәрбие жұмысы бөлімінің басшысы Жанар Бимұратқызы оқу ордамыздың оң имиджін қалыптастыруда үлес қосқаны үшін Жасұлан Сақтапбергенұлына алғыс білдіріп, «Үздік түлек» медалімен марапаттады.

Айта кету керек, бір жыл бұрын Жасұлан Серіков АҚШ-тың Калифорния штатына отбасымен бірге қоныс аударған болатын.

Шара соңында университет түлегіне студенттер өздерін қызықтырған сұрақтарына жауап алып, естелік фотоға түсті.

 Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
e-mail: kmu.kmu@list.ru