• 26 қыркүйек 2023
• 676

«Сыр түлегі» жаңа форматта шығады

1998 жылы Қорқыт ата атындағы мемлекеттік университетінің ақпарат құралы ретінде тіркелген «Сыр түлегі» газеті Мәдениет және ақпарат министрлігі Ақпарат комитетінде «Республикалық жастар газеті» болып қайта тіркеуден өтті (куәлік номері №KZ 29VPY00077786, 15-қыркүйек, 2023).

Университет жанынан шығатын басылым тарихи кезеңдерді бастан өткеріп, оқырмандарын әр уақытта заман талабына сәйкес ақпараттандырып келеді.

Ел тәуелсіздік алғаннан кейін университет түлектері арасындағы бейбіт өмірдің батырларын насихаттау, орын алған түйткілді мәселелерді шешуге үн қосу қажеттілігін қамтамасыз ету мақсатында жарық көрген ақпарат құралы сол беталысынан айныған емес. Осы орайда газетте көптеген бүгінгі қоғам қайраткерлері де қызмет атқарғанын айта кету керек.

Ақпараттық дәуірдің талаптарына сәйкес «Сыр түлегі» енді жаңа форматта жарық көреді.  Ендеше шығармашылық жұмыстарға сәттілік дейміз!

Редакциялық-баспа бөлімі