• 26 қыркүйек 2023
• 676

Ғалым Әзілхан Тәжекеев Хорватияда тәжірибе жинақтады

Хорватиядағы Задар Халықаралық су асты археология орталығында (ICUA) археологиялық олжаларды сақтау және қалпына келтіру бойынша екі апталық курс өтті. 

Курсқа университеттегі «Археология және этнография» орталығының жетекшісі, PhD Әзілхан Тәжекеев қатысты. Дәрісте археологиялық зерттеулер кезінде табылған жәдігерлерді қайта өңдеудің тың әдістері айтылды. Айталық, металл, органика, керамика, шыныны тазалау, өңдеу, консервациялау, қайта қалпына келтіру бойынша лекция және практикалық сабақтар ұйымдастырылды.

Задар – Хорватиядағы үш мың жылдық тарихы бар қала. Археологиялық ескерткіш, курорттық аймақтарымен танымал шаһар солтүстік Далматияның әкімшілік, экономикалық, тарихи және мәдени орталығы. Курс барысында қатысушылар қаладағы сәулет ескерткіштері, музей, ұлттық парктермен танысты. 
Ғалымның шетелде өткен курсқа қатысуына ҚР Мәдениет және спорт министрлігі және Задар Халықаралық су асты археология орталығы қолдау көрсетті.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
e-mail: kmu.kmu@list.ru