• 03 қазан 2023
• 706

Студенттер қауіпсіздігі – басты назарда

Қорқыт ата атындағы Қызылорда университетінде құқық қорғау органдары қызметкерлерімен бірлесіп «Білім беру ортасының қауіпсіздігі, терроризм мен экстремизм идеологиясына қарсы тұру» тақырыбында студенттермен кездесу ұйымдастырылды.

Жиында оқу орнының білім алушыларына «Терроризм деген не және одан қорғалу іс-әрекеттері», «Эвакуация кезіндегі әрекеттер» тақырыбында түсіндірме жұмыстары жүргізілді.

Кездесу барысында университеттің Әлеуметтік және тәрбие жұмыстары жөніндегі проректоры Жандос Базартай оқу орнында қауіпсіздік шараларын қамтамасыз ету үшін барлық жағдай жасалғанын айтты.

- Жастардың бойында экстремизм мен терроризмге қарсы тұру иммунитетін дамыту, азаматтық қоғамға сай әлеуметтік мінез-құлық дағдыларын қалыптастыру – басты міндеттердің бірі болып саналады. Университетте қауіпсіздік шараларын қамтамасыз ету үшін бейнебақылау жүйесі, турникеттер, хабардар ету жүйесі, дабыл түймелері іске қосылған, – деді Жандос Нұртайұлы.

Сонымен қатар, шараға ҚР ҰҚК Қызылорда облысы және Байқоңыр қаласы бойынша департаментінің бөлім инспекторы, ұлттық қауіпсіздік майоры Мұрат Телеуов, ҚР ТЖМ Қызылорда облысы бойынша ТЖД Төтенше жағдайларды жою басқармасының аға инженері азаматтық қорғау капитаны Асылхан Мейрамбеков, Терроризмге қарсы жұмыстар және әскери-жұмылдыру қызметінің басышысы Ғалымжан Жармаханов қатысты.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
e-mail: kmu.kmu@list.ru