• 03 қараша 2023
• 914

Спартакиада жеңімпаздары анықталды

Қорқыт ата атындағы Қызылорда университетінде Республика күніне орай білім алушылар арасында институтаралық спартакиада ұйымдастырылды. Ауқымды спорттық шараға 300-ден астам білім алушы қатысты.

Дәстүрлі түрде ұйымдастырылатын спартакиада «Сейхун» спорттық-сауықтыру кешенінде өтті. Қатысушылар үстел теннисі, шахмат, волейбол, тоғызқұмалақ, баскетбол, футзал, жүзу, арқан тарту ойындарынан сынға түсті.

Турнир жеңімпаздарын марапаттау рәсіміне университеттің Әлеуметтік және тәрбие жұмыстары жөніндегі проректор Жандос Базартай қатысты.

Спартакиаданың жалпыкомандалық нәтижесі бойынша І орынды Жаратылыстану институты, ІІ орынды Педагогика және дәстүрлі өнер институты, ІІІ орынды Гуманитарлық-педагогикалық институты иеленді.

Жеңімпаздарға арнайы дипломдар мен сыйлықтар табысталып, үздік ойыншылар марапатталды. 

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
e-mail: kmu.kmu@list.ru