9 оқу ғимараты

Университеттің оқу корпустары заманауи аудиториялармен, зертханалармен және мультимедиялық жабдықтармен қамтамасыз етілген, бұл студенттерге сапалы білім алуға және ғылыми зерттеулер жүргізуге мүмкіндік береді.

Білім алуға қолайлы орта! Университетімізде 9 заманауи корпус бар, әр корпус кең әрі жарық аудиториялармен, жоғары технологиялық зертханалармен және ыңғайлы демалыс аймақтарымен жабдықталған. Оқу үдерісін тиімді ұйымдастыру үшін мультимедиялық құралдар, жылдам интернет және электронды кітапханалар қолжетімді. Сонымен қатар, әр корпуста студенттердің жайлылығы үшін кафетерийлер мен өзіндік жұмыс аймақтары қарастырылған.

Бас оқу ғимараты

Мекен-жайы: Қызылорда қаласы, Айтеке би 29А

Бұл ғимарат университет әкімшілігінің, оның ішінде Басқарма төрағасы – Ректордың және Проректорлардың (академиялық мәселелер, ғылым және халықаралық байланыстар, әлеуметтік және тәрбие жұмыстары, стратегиялық даму және IT жөніндегі) кабинеттері орналасқан негізгі әкімшілік орталық болып табылады.

№1 оқу ғимараты

Мекен-жайы: Қызылорда қаласы, Әбілқайыр хан көшесі, 50А

- Қаңтар айының 10-22 аралығында №214-дәрісханасына ағымдағы жөндеу жұмыстары жүргізілді.
- Мамыр айының 12-18 аралығында ғимараттың қосалқы кіре берісіне шатырлар орнатылды.
- 5 мамыр күні ғимараттың 1-қабатындағы әжетханаға жөндеу жұмыстары басталды.
- 22 мамыр күні ғимарат алдындағы субұрқақ іске қосылды.
- Мамыр айының 5-11 аралығында әкімшілік көрсеткен кемшіліктерді қалпына келтіру жұмыстары атқарылды.

Жалпы университет оқу ғимараттарында оқу процесін тиімді ұйымдастыру үшін мультимедиялық құралдар, жылдам интернет және электронды кітапханалар қолжетімді. Студенттердің жайлылығы үшін кафетерийлер мен өзіндік жұмыс аймақтары қарастырылған.

№2 оқу ғимараты

Мекен-жайы: Қызылорда қаласы, Қоркыт Ата, 36А

№3 оқу ғимараты

Мекен-жайы: Қызылорда қаласы, Ыбырай Жақаев №55

Қорқыт ата атындағы Қызылорда университетінің №3 оқу ғимараты – білім алушыларға әскери білім мен дайындық беруге бағытталған маңызды орталық. Бұл ғимарат Қазақстанның болашақ офицерлерін даярлайтын, білім алушылардың әскери шен алуына ықпал ететін университеттің әскери кафедрасының негізгі орналасқан жері.

№3 оқу ғимараты Әскери кафедраның оқу процесін толық қамтамасыз ету үшін заманауи материалдық-техникалық базамен толық жабдықталған. Кафедраның талаптарына сай жасақталған арнайы кабинеттер теориялық білімді терең меңгеруге мүмкіндік береді.

Қазіргі кезде әскери кафедраның материалдық-техникалық базасының құрамында РПГ-7 граната атқыш тренажерімен, «Стрелец» тренажерімен және басқа да оқу-көрнекі, оқу-жаттығу құралдарымен жабдықталған аудиториялар бар. Үш ГАЗ-66 автомашинасы, БМП-1, БМП-2 жаяу әскердің жауынгерлік машинасы және оны оқытудың қосалқы құралдары, тасымалданатын зениттік зымыран кешендерінің далалық тренажерлары, атыс қаруларының макеттері мен жаппай жою қаруларынан қорғану және басқа құралдар практикалық сабақтарда қолданылады.

Оқу-жаттығу орталығы (полигоны) толығымен оқу-жаттығу жиындарын өткізу барысында және күрделі практикалық сабақтарды өткізу барысында пайдаланылады.

№4 оқу ғимараты

Мекен-жайы: Қызылорда қаласы, Ыбырай Жақаев №57

Қорқыт Ата атындағы Қызылорда университеті студенттердің білім сапасын арттыру мақсатында материалдық-техникалық базаны жүйелі түрде жаңартуда. Осы орайда, №4 оқу ғимаратындағы Инженерлі-технологиялық институтына қарасты физикалық зертханалар жаңа құрылғылармен толықтырылды.

Мемлекеттік сатып алу арқылы алынған 9 бірлік жаңа зертханалық құрылғы енді 1-курс студенттерінің білімін тереңдетуге мүмкіндік береді.

Жаңа жабдықтар студенттерге теориялық білімдерін практика жүзінде бекітуге, сондай-ақ заманауи техникамен жұмыс істеу дағдыларын меңгеруге мүмкіндік береді.

№5 оқу ғимараты

Мекен-жайы: Қызылорда қаласы,  Абай даңғылы 66А

Қорқыт Ата атындағы Қызылорда университетінің №5 оқу ғимаратында 2023 жылы студенттер мен қызметкерлер үшін жайлы және заманауи орта құру мақсатында ауқымды жөндеу және абаттандыру жұмыстары жүргізілді және әлі де жалғасуда.

Білім алушылар зертханалық сабақтарды Intel Core i5 (2.5 ГГц, 8-16 Гб ЖЕСҚ, 500 Гб HDD) жаңа үлгідегі компьютерлермен жабдықталған 10 компьютерлік аудиторияда өткізеді.

Сонымен қатар, «3D технология негіздері» пәніне арналған №321 «3D printing» зертханасы 3D принтерлермен және 3D сканермен жабдықталған.

«Робототехника негіздері» пәніне арналған №316 «Робототехника» зертханасында Ultimate Robot Kit V2.0, Turtlebot3 Burger, Robotis Turtlebot, LEGO Mindstorms Education EV3 базалық жиынтығы сияқты түрлі роботтар және квадрокоптерлер қолданылады (өткен оқу жылы жаңартылған). Бұл зертханада дронның еркін ұшуы үшін қауіпсіздік торы бар және ол практикалық сабақтарға, магистрлік диссертациялық жұмыстарға және дипломдық жобаларға арналған зерттеу жұмыстарына қолданылады.

№6 оқу ғимараты

Мекен-жайы: Қызылорда қаласы, ​Жақаев көшесі, 11

Ғимаратта бірқатар ағымдағы жөндеу жұмыстары жүргізілді және жүргізілуде:

№304 – «Материалды өңдеу технология шеберханасы» мен №307 – «Киімді құрастыру және жобалау шеберханасында» едендер тегістеліп, ламинат төселді, электр жүйелері ауыстырылды, қабырғалар сыланып, эмульсияланды.

Әжетханалар мен жуыну бөлмелері (душевой): Жөндеу жұмыстары басталып, толығымен аяқталуға жақын. Сұраныс мемлекеттік сатып алу бөліміне алдын ала берілді.

№104-дәрісхана: Бұл дәрісханадағы ағаш еден алынып, бетонды стяжка құйылды. Электр сымдары жаңартылды және қабырғаларды тегістеу жұмыстары жасалды. Қабырғаларды сылау, эмульсиялау, жылу жүйелерін сырлау және ламинат төсеу жоспарланған.

Жылу жүйелері: Ғимаратта жылу жүйелерін және көтергіштерді толығымен ауыстыру жұмыстары басталып, аяқталу кезеңінде (шамамен 85% орындалды). Жұмыстарды толық аяқтау жоспарланған.

Әкімшілік ескертпелері: Әкімшілік тарапынан берілген ескертпелер орындалды.

Тазалық жұмыстары: Жаз мезгілі бойы ғимараттың айналасындағы шөп орылып, тазалық жұмыстары жүргізіле береді.

№7 оқу ғимараты

Мекен-жайы: Қызылорда қаласы, ​​Төле би көшесі, 36

Студенттердің қысқы демалысы кезінде бірнеше дәрісханада (№206, 210, 310, 410, 416) сырлау, ақтау және эмульсиялау жұмыстары жүргізілді, сондай-ақ жылу жүйелерінің задвижкалары мен құбыры ауыстырылды.

Үшінші қабаттағы фойенің қабырғаларын қырып, тегістеп, эмульсиялау жұмыстары ақпан айында орындалды. Сәуір айында ғимараттағы буфеттің кәріз жүйесі толығымен жаңадан жүргізілді. Мамыр айының соңынан бастап ғимараттағы жалпы ағымдағы жөндеу жұмыстары (ақтау, сырлау, эмульсиялау) жүргізіледі. Кіре беріс фойенің еденіндегі ескі кафельдерді бұзып, жаңасын төсеу маусым айының ортасына жоспарланған.

№8 оқу ғимараты

Мекен-жайы: Қызылорда қаласы, ​​Төле би көшесі, 36 к1

№9 оқу ғимараты

Мекен-жайы: Қызылорда қаласы, ​​Амангелді Иманов көшесі, 60

№9 оқу ғимараты «Биология, география және химия» және «Дене шынықтыру және бастапқы әскери дайындық» білім беру бағдарламаларын толық қамтамасыз етеді.

Зоологиялық мұражай бұл ғимараттың маңызды бөлігі болып табылады. Жалпы жинақ 215 экспонаттан тұрады, оның ішінде 30 сүтқоректі, 44 құс, 50 насекомдардың энтомологиялық коллекциялары және басқа да омыртқалы, омыртқасыз жануарлар. Коллекция жануарлардың қаңқалары мен анатомиялық ішкі құрылыстары көрсетілген ылғалды препараттармен де толықтырылған.

Дене шынықтыру және бастапқы әскери дайындық мамандарын даярлау үшін арнайы жабдықталған дәрісханалар (бастапқы әскери дайындық, дене шынықтыру теориясы мен әдістемесі, спорттық пәндер, шахмат) жұмыс істейді. Сонымен қатар, студенттерге арналған толыққанды спорт кешені бар: Спорттық ойындар және гимнастика залы, жекпе-жек залы, тренажер залы, сондай-ақ Спорт даңқы мұражайы. Ашық ауада сабақ өткізуге арналған саптық дайындық алаңы, жазғы футбол, баскетбол және волейбол алаңдары қарастырылған.