Автоматиканың техникалық құралдары және жүйелері зертханасы

2023-2024 оқу жылы “Электр энергетикасы, техносфералық қауіпсіздік және экология” білім беру бағдарламасында жағымды жаңалықтармен басталды. Солардың ең ауқымдысы - “Автоматтандыру және басқару” білім беру бағдарламасының ашылуы. 
Автоматтандыру және басқару мамандығы автоматтандыру құрылғылары мен есептеу жүйелерін жобалау және құрастыру бойынша мамандарды дайындайды. 
Білім беру бағдарламасы жабдықты, аппараттық және бағдарламалық қамтамасыз етуді,коммуникацияларды және олардың арасындағы өзара әрекетті зерттеуді қамтиды. 
Университет қаржыландыруы есебінен жаңа білім беру бағдарламасына қарасты жаңа зертханалық кабинет толық жөндеуден өтіп, заманауи технологиялармен жабдықталып, қолданысқа беруге таяу. 
 “Automation Lab” компаниясы ұжымының қызметкерлері “Автоматтандыру және басқару” БББ-ның профессор-оқытушылар құрамына зертханалық қондырғыларын қолдану әдістері бойынша семинар жүргізді. Семинар барысында: 
1. Автоматиканың өлшеуіш құралдарын өлшеуді үйрену;
2. Сұйықтықтың шығынын өлшеуді үйрену;
3. Өнеркәсіптік деңгей датчиктерін өлшеу;
4.Температура аспаптары мен датчиктерді үйрену;
5.Қысым датчиктері мен құрылғыларды зерттеу;
6.Өнеркәсіптік пневматикалық автоматика;
7.Бағдарламаланған реле зерттеу стендтерінің жұмыс істеу принциптерімен таныстырып, технологиялық процестер түсіндірілді.