«Алтын көмбе» үйірмесі 

«Алтын көмбе» үйірмесі археологияға және этнологияға қызығушылығы бар, білімге, ғылымға құштар жастарды біріктіреді. Үйірме аясында студенттер археология ғылымындағы жаңалықтармен, этнология ғылымының қазіргі бағыт-бағдарымен танысып, пікірлеседі. Сонымен қатар, үйірме мүшелері білікті археолог, этнолог ғалымдармен кездесулер өткізіп, тәжірибелік шеберлік сағаттарына қатысады. Археологиялық қазбаларға, этнографиялық далалық зерттеулерге қатысып, теориялық білімдерін шыңдайды. Ғылыми мақалалар жазуға машықтанады, ғылыми конференцияларға қатысып, баяндамалар жасайды. Үйірме мүшелері археология және этнология бойынша пәндік олимпиадаларға қатысып, жүлделі орындарға ие болып келеді.

«Алтын көмбе» үйірмесінің жетекшісі -  гуманитарлық ғылым магистрі, аға оқытушы Ы.С. Құрманиязов