Зерттеу тақырыбына байланысты аталған Қазақстандық, Ресейлік және Өзбекстандық архив деректерінің түп дерек ретіндегі құндылығы, маңыздылығы және ерекшеліктері жан-жақты талданады. Алматы, Москва және Ташкенттің аталған кітапханаларындағы тақырыпқа жақын әртүрлі тілдердегі түрлі ғылыми еңбектерге және басқа да деректерге қол жеткізіледі. Советтік Қазақстандағы Ясауилік дәстүрді жалғастырған қожа және ишандардың ұрпақтарымен, сол дәуірге куә болған адамдармен сұқбат жасалып, аудио жазбалары алынады.

Қол жеткізілген әртүрлі құнды деректер негізінде қазақ халқының мәдениетінде өзіндік үлкен орны болған Ясауилік пен ишанизмнің Советтік Қазақстан кезеңіндегі тарихы жан-жақты терең зерттеліп және зерттеу нәтижелері жарияланатын болады. Жас зерттеушілердің архивтік зерттеу, далалық зерттеу және ақпарат жинау алаңындағы біліктіліктері арттырылады. Осыған байланысты келесі нәтижелер күтіледі:
1. Web of Science базасының Social Science Citation Index немесе Arts and Humanities Citation Index индекстелетін және (немесе) Scopus базасындағы CiteScore бойынша 35 (отыз бес) процентильге ие рецензияланатын ғылыми басылымда кемінде 1 (бір) мақала немесе Social Science Citation Index индекстелген және Web of Science базасындағы импакт-фактор бойынша 1 (бірінші) 2 (екінші) квартильге кіретін квартильге кіретін рецензияланатын ғылыми басылымдарда кемінде 1 (бір) мақала; 
2. ҒЖБССҚК ұсынған рецензияланатын шетелдік және (немесе) отандық басылымда кемінде 2 (екі) мақала немесе Web of Science базасындағы Arts and Humanities Citation Index индекстелетін рецензияланатын ғылыми басылымдарда кемінде 2 (екі) мақала;
3. «Советтік Қазақстанда сопылық дәстүр тарихы: Яссауилік және ишанизм мысалында» атты монография ғылыми айналымға енеді.

Күтілетін нәтижелер осы сала бойынша отандық, әлемдік тарих ғылымы мен Қазақстандағы этнография, ислам тарихы саласындағы зерттеулердің дамуына ықпал ететін болады.