2) Қыпшақ тіліндегі діни мазмұнда жазылған «Китаб Муқаддима Абу Ләйс әс-Самарқанди» қолжазбасының түпнұсқаларымен жұмыс жасап, бүгінгі күнге дейін беймәлім болып келген жаңа мысырлық нұсқасымен бізге белгілі стамбұлдық және кониялық нұсқаларымен салыстыра зерттеу; Нәтижесінде қолжазбаның үш нұсқасына (мысырлық, стамбұлдық және кониялық) да палеографиялық және кодикологиялық талдау жасалып, ерекшеліктері мен ұқсастықтары анықталады, қолжазбаға қатысты жаңа деректер жинақталады;

3) Классикалық араб және араб графикалы қыпшақ тілінде қатар жазылған «Китаб Муқаддима» діни ескерткішінің мысырлық нұсқасы негізінде қыпшақша мәтіннің транскрипциясын жасап, түпнұсқа тілінен тікелей қазақ тіліне аудару; Нәтижесінде ескерткіштің мысырлық нұсқасы алғаш рет қазақ тіліне аударылып, толық транскрипциясы жасалады. Бұл түркітанушы, мәмлүктанушы зерттеушілер үшін түпнұсқа мәтінмен жұмыс жасауға мүмкіндік туғызады. ҒЖБССҚК басылымда 1 (бір) мақала жарияланады;

4) антропоөзекті және теоөзекті парадигмалармен қатар жаңа теоантропоғарыштық парадигма аясында Абу Ханифа мазһабының атақты фиқһ ғалымы Абу Ләйс әс-Самарқандидің қыпшақ тіліне аударылған «Китаб Муқаддима» еңбегін теолингвистикалық қырынан зерттеу; 

5) Нәтижесінде жазба ескерткіште сақталған діни мәтінге герменевтикалық талдау жасалып, араб графикалы қыпшақ тілінде жазылған бұл ескерткіш туралы толық ақпарат алынып, ортағасырлық түркі халықтарының наным-сенімі, діни ұстанымы туралы деректер жинақталады, жазба мұраның түркі әлеміндегі орны анықталады;

6) Мәмлүктер кезінде қыпшақ тіліне аударылған «Китаб Муқаддима Абу лайс әс-самарқанди» ескерткішінде сақталған қыпшақша діни мәтінге дискурстық талдау жасау; Нәтижесінде қолжазбадағы ортағасырлық діни ұғымдардың түркі дүниетанымындағы орны айқындалып, Ислам мәдениетімен сабақтастығы анықталады, зерттеу нәтижелері ғылыми мақалалар ретінде баспаға шығады;

7) Теолингвистикалық дереккөз ретінде «Китаб Муқаддима Абу Ләйс әс-Самарқанди» жазба ескерткішіндегі қыпшақша діни мәтінге концептілік талдау жасау арқылы діни концептілерді анықтау, жинақтау, мағыналық-ақпараттық өрісін ажырату; Нәтижесінде ортағасырлық қыпшақша мәтінде сақталған діни концептілердің қазақ лингвомәдени танымындағы көрінісі айқындалады, түркі халықтарының рухани мәдениетіне қатысты құнды деректер жинақталады, жинақталған материалдар негізінде конкурстық құжаттамаға сәйкес ҒЖБССҚК басылымда 1 (бір) мақала, Scopus базасындағы кемі 60 (алпыс) процентильге ие рецензияланатын ғылыми басылымда 1 (бір) мақала немесе шолу жарияланып; монография жарыққа шығады.