• 27 сәуір 2026
• 220

РЕКТОР ШЕТЕЛДІК ОҚЫТУШЫЛАРДЫ ҚАБЫЛДАДЫ

Қорқыт ата атындағы Қызылорда университетінің Басқарма төрағасы – Ректор Наурызбай Байқадамов университетте сабақ беретін шетелдік оқытушыларды қабылдады.
Кездесуге Ескишехир университетінің оқытушысы, «Шетел тілдері және аударма» білім беру бағдарламасының түрік тілі маманы Метин Ердоган, Фулбрайт бағдарламасы бойынша келген ерікті оқытушы, ағылшын тілі маманы Амелия Хантсман, кәріс тілі маманы Лим Хе Мин, сондай-ақ LUPIC бағдарламасы аясында келген Жасанды интеллект институтының маманы Ким Вон Хонг қатысты.

Жиын барысында Ректор шетелдік оқытушылардың оқу үдерісіне қосып отырған үлесін жоғары бағалап, олардың ұсыныс-пікірлеріне назар аударды. Сонымен қатар студенттердің білім алуға деген қызығушылығы, оқу сапасын арттыру мәселелері төңірегінде пікір алмасты. Университет басшысы кез келген туындаған мәселелер бойынша қолдау көрсетуге дайын екенін жеткізді.
Өз кезегінде шетелдік оқытушылар университет ұжымына көрсетілген қолдау мен жасалған қолайлы жағдайлар үшін алғыстарын білдіріп, білім беру саласындағы ынтымақтастықты одан әрі дамытуға ниетті екендерін атап өтті.
Аталған кездесу халықаралық әріптестікті нығайтып, білім беру сапасын арттыру жолындағы маңызды қадамдардың бірі болды.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru