Магистратура

Магистратура – кемінде 60-120 академиялық кредитті міндетті түрде меңгеру арқылы тиісті білім беру бағдарламасы бойынша "магистр" дәрежесін бере отырып, кадрлар даярлауға бағытталған жоғары оқу орнынан кейінгі білім беру деңгейі

Магистрант – магистратурада білім алушы тұлға.

Магистр – магистратураның білім беру бағдарламасын меңгерген тұлғаларға берілетін дәреже.

Магистрлік диссертация – ғылыми-педагогикалық магистратура магистрантының таңдалған білім беру бағдарламасы саласындағы өзекті проблеманың теориялық және/немесе практикалық әзірлемесін қамтитын өзіндік ғылыми зерттеуден тұратын, ғылым мен техниканың қазіргі заманғы теориялық, әдістемелік және технологиялық жетістіктеріне негізделген бітіру жұмысы

Магистрлік жоба – бейінді магистратура магистрантының таңдалған білім беру бағдарламасының өзекті проблемаларының қолданбалы міндетін шешуге мүмкіндік беретін теориялық және (немесе) эксперименттік нәтижелерді қамтитын өзіндік ғылыми зерттеуден тұратын бітіру жұмысы.

Ғылыми-педагогикалық бағыттағы магистратура жоғары оқу орындары мен ғылыми ұйымдар үшін тереңдетілген ғылыми-педагогикалық және зерттеу даярлығы бар ғылыми және ғылыми-педагогикалық кадрларды даярлау бойынша жоғары оқу орнынан кейінгі білімнің білім беру бағдарламаларын іске асырады. Оқу мерзімі 2 жыл.

Бейінді бағыт бойынша магистратура экономика, медицина, құқық, білім, өнер, қызмет көрсету және бизнес, қорғаныс және ұлттық қауіпсіздік салалары, құқық қорғау қызметі үшін тереңдетілген кәсіптік даярлығы бар басқарушы кадрларды даярлау бойынша жоғары оқу орнынан кейінгі білімнің білім беру бағдарламаларын іске асырады. Оқу мерзімі 1 жыл.

Бейінді магистратураны бітірген магистрантқа педагогикалық бейіннің білім беру бағдарламаларын қосымша меңгергеруге мүмкіндік беріледі.  Ол үшін бейінді бағыттағы магистратураны бітірген магистрге педагогикалық бейіннің білім беру бағдарламасын аяқтағаннан кейін негізгі дипломына қосымша педагогикалық қызметке рұқсат ететін куәлік беріледі. Осы орайда Қорқыт Ата атындағы Қызылорда университетінде барлық білім беру бағдарламалары бойынша қосымша оқыту курстары ұйымдастырылады. Оқу мерзімі 15 апта.

Қорқыт Ата атындағы Қызылорда университеті магистратураның ғылыми-педагогикалық бағытымен 36 білім беру бағдарламасы бойынша және бейінді бағытымен 16 білім беру бағдарламасы бойынша білім беруді жүзеге асырады.

Университет халықаралық аккредитациясы бар шетелдік жоғары оқу орындарымен белсенді әріптестік жұмыс жүргізуде. Білім алушылар Түркия, Польша, Ресей, Әзірбайжан, Татарстан және Башқұртстан сияқты шет мемлекеттердің жоғары оқу орындарында, сонымен қатар Қазақстанның жоғары оқу орындарымен және ғылыми-зерттеу институттарында ынтымақтастық келісімдер аясында ғылыми тағылымдамадан өтіп, белгіленген тәртіппен білім бағдарламаларын игереді.

Қорқыт Ата атындағы Қызылорда университетінің бакалавриат, магистратура және докторантура даярлау бағыттары мен білім беру бағдарламаларының топтары бойынша тізімі 2020 - 2021жж

Қорқыт Ата атындағы Қызылорда университетінің бакалавриат, магистратура және докторантура даярлау бағыттары мен білім беру бағдарламаларының топтары бойынша тізімі 2021 - 2022жж

Қорқыт Ата атындағы Қызылорда университетінің магистратура және докторантура даярлау бағыттары мен білім беру бағдарламаларының топтары бойынша тізімі 2022 - 2023жж

Қорқыт Ата атындағы Қызылорда университетінің магистратура білім беру бағдарламаларын 2019-2020 оқу жылы бітірушілерге берілетін дәреже

Қорқыт Ата атындағы Қызылорда университетінің магистратура білім беру бағдарламаларын 2020-2021 оқу жылы бітірушілерге берілетін дәреже

Қорқыт Ата атындағы Қызылорда университетінің магистратура білім беру бағдарламаларын 2021-2022 оқу жылы бітірушілерге берілетін дәреже

Магистратураның білім беру бағдарламалары