• 11 маусым 2025
• 154

Саят Қайратұлы – Универсиаданың алтын жүлдегері

Қорқыт ата атындағы Қызылорда университетінің студенті Саят Қайратұлы XIII Жазғы Универсиада ойындарында грек-рим күресінен қарсыластарын айқын басымдықпен жеңіп, алтын медаль иегері атанды.
Бұл жетістік – Саяттың ұзақ уақыт бойы жүргізген табанды жаттығулары мен жеңіске деген ерік-жігерінің нәтижесі.
Ауқымды спорттық додада еліміздің 76 жоғары оқу орнынан 4000-нан астам студент спорттың бірнеше түрі бойынша бақ сынауда. 
Жазғы Универсиада – жастар арасында бұқаралық спортты дамытуға, салауатты өмір салтын насихаттауға және студенттер арасындағы ынтымақтастықты нығайтуға бағытталған маңызды іс-шара.
Айта кетейік, жарыс 14 маусымға дейін жалғасады. Университет намысын қорғап жатқан барлық студенттерге сәттілік тілейміз!

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru