• 27 қараша 2025
• 144

«Заң мен тәртіп» идеологиясын насихаттауға арналған конференция ұйымдастырылды

«Заң мен тәртіп» идеологиясын ілгерілету бағытындағы ғылыми-тәжірибелік конференция өтті.

Конференцияның мақсаты - «Заң мен тәртіп» идеологиясын ілгерілету, заң үстемдігін қамтамасыз ету, қылмыстық-құқықтық және конституциялық құқық салаларындағы өзекті мәселелерді талқылау.
Кездесуге Облыс прокуроры Ризабек Ожаров, Қорқыт ата атындағы Қызылорда университетінің Басқарма Төрағасы - Ректоры Бейбіткүл Каримова, Заң ғылымдарының докторы, профессор Марат Қоғамов,  Заң ғылымдарының докторы Николай Турецкий, Болашақ университетінің  ректоры Гүлжахан Снасапова және «Құқықтану» білім беру бағдарламасының профессор-оқытушылар құрамы мен білім алушылары қатысты. 

Іс-шара барысында қылмыстық-құқықтық реформалар, құқық қорғау жүйесіндегі жаңашылдықтар, заң үстемдігін қамтамасыз етудегі халықаралық тәжірибе және құқықтық мәдениетті арттыру тетіктері жан-жақты талқыланды. Спикерлер қазақстандық құқықтық жүйені одан әрі жетілдіру бойынша өз ғылыми ұсыныстарын ортаға салды.

Прокурор Ризабек Ожаров өз сөзінде «Заң мен тәртіп» идеологиясының қоғамдағы тұрақтылық пен қауіпсіздікті қамтамасыз етудегі рөліне тоқталып, құқықтық саясаттағы басым бағыттарды атап өтті.

Ғалымдар тарапынан қылмыстық құқық, конституциялық құқық, құқық философиясы және құқықтық реформалардың тиімділігіне қатысты өзекті зерттеулер мен аналитикалық шолулар ұсынылды.

Кездесу соңында студенттер мен жас зерттеушілер өздерін қызықтырған сұрақтарын қойып, тәжірибелі заңгерлермен пікір алмасты.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru