• 11 желтоқсан 2025
• 64

«Күміс университет» жобасы: оқытушылар жаңа цифрлық дағдыларды меңгерді

Қорқыт ата атындағы Қызылорда университетінде «Күміс университет» жобасы аясында 55 жастан жоғары профессор-оқытушылар құрамына арналған «Цифрлық әлемге қадам: смартфон, eGov, онлайн қызметтер және жасанды интеллектті күнделікті өмірде қолдану» тақырыбындағы семинар-тренинг өтті.
Семинар-тренингте университеттің Біліктілік арттыру және қосымша білім беру орталығының жетекшісі Нұрхан Абтикалыков жалпы «Күміс университет» жобасы туралы тоқталды. Сонымен қатар, университеттің Кәсіподақ ұйымының жетекшісі Айтжан Оразбахов «Күміс университет» жобасының жүргізіліп жатқан жұмыстарына қысқаша шолу жасап, алдағы атқарылу керекті жұмыстарға ұсыныс білдірді.

Шараның басты мақсаты – аға буын мамандардың цифрлық сауаттылығын арттыру, жаңа технологияларды меңгеруге қолдау көрсету және күнделікті өмірде заманауи цифрлық сервистерді тиімді пайдалануға үйрету болды.
Семинарға қатысушылар смартфонның кеңейтілген мүмкіндіктерін қолдану, eGov және онлайн мемлекеттік қызметтерге қол жеткізу, цифрлық төлемдер мен қауіпсіздік, жасанды интеллектті тұрмыста, жұмыста және оқытушылық қызметте пайдалану сияқты маңызды тақырыптармен танысты.

Тренингті Қорқыт ата атындағы Қызылорда университетінің Kyzylorda HUB орталығының жетекшісі Жанарыс Түбекбаев жүргізіп, қатысушыларға практикалық тапсырмалар ұсынып, олардың сұрақтарына толық жауап берді. Қатысушылар жаңа білім алып, цифрлық дағдыларын одан әрі жетілдіруге үлкен ықылас танытты.

Семинар соңында қатысушыларға Біліктілікті арттыру және қосымша білім беру орталығының жетекшісі Нұрхан Абтикалыков сертификат табыс етті.
Осындай тағылымды әрі пайдалы шаралар алдағы уақытта да жалғасын табатын болады.

Медиа центр Кызылординского университета имени Коркыт ата
Контактный телефон: 8(7242) 26-21-34
e-mail: media_korkyt@mail.ru