• 14 қаңтар 2026
• 122

ТАРИХИ ЖЕҢІС – УНИВЕРСИТЕТ МЕРЕЙІ АСҚАҚТАДЫ!

Қорқыт ата атындағы Қызылорда университеті үшін зор мақтанышқа айналған қуанышты жаңалық! Алматы қаласында алғаш рет ұйымдастырылған қыздар командалары арасындағы футзалдан Қазақстан кубогында университетіміздің қыздар құрама командасы алғаш рет қатысып, чемпион атанды.

Осы тарихи жеңіспен университеттің Басқарма Төрағасы – Ректордың міндетін атқарушы Дана Абдрашева чемпион қыздарды арнайы құттықтап, жүрекжарды ізгі тілегін білдірді. Ол өз сөзінде спортшы қыздардың жетістігі университет абыройын арттырып қана қоймай, жастарға үлгі болатынын атап өтті. Сонымен қатар алдағы уақытта да биік белестерді бағындырып, ел намысын абыроймен қорғай берулеріне тілектестік білдірді.

Команданың бас бапкері Абылайхан Сейілбеков жоғары кәсіби шеберлігі мен нәтижелі еңбегі үшін «Үздік бапкер» номинациясына ие болды. Бұл – бапкер еңбегінің лайықты бағалануы және команда жетістігінің маңызды бөлігі.

Қорқыт ата атындағы Қызылорда университеті спорттағы осындай ірі жеңістерімен мақтанады. Чемпион қыздарымыз бен бапкерімізге жаңа жеңістер, мықты денсаулық және толағай табыстар тілейміз!

Жеңіс құтты болсын!

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru