• 27 сәуір 2026
• 55

«ҚОРҚЫТ САҚШЫЛАРЫ» КОМАНДАСЫ РЕСПУБЛИКАЛЫҚ ОЛИМПИАДАДА III ОРЫН ИЕЛЕНДІ

Қорқыт ата атындағы Қызылорда университетінің студенттері Қазақстан Республикасы Бас прокуратурасы жанындағы Құқық қорғау органдары академиясы ұйымдастырған «Legal Minds» республикалық олимпиадасында жүлделі III орынды иеленді.
Аталған білім бәйгесінде “Құқықтану” білім беру бағдарламасының 3-4 курс студенттерінен құралған «Қорқыт сақшылары» командасы жоғары нәтиже көрсетті. Команда құрамында Ұлан Амангелді, Анель Ахметқали және Жібек Анапия қатысып, өз білімдері мен кәсіби дайындықтарының жоғары деңгейін дәлелдеді.

Студенттерге ғылыми жетекшілік еткен – “Құқықтану” білім беру бағдарламасының оқытушысы, заң ғылымдарының кандидаты, доцент Жанат Исаева.
Республикалық олимпиадаға еліміздің  жоғары оқу орындарынан барлығы 14 команда қатысып, бақ сынады. Сайыс тапсырмалары күрделі құқықтық кейстерге негізделіп, қатысушылардан терең теориялық білім мен нақты, дәлелді шешімдер ұсынуды талап етті.

Айта кету керек, «Legal Minds» республикалық олимпиадасы Құқық қорғау органдары академиясы тарапынан алғаш рет ұйымдастырылып отыр. Бұл бастама жас заңгерлердің тәжірибелік дағдыларын дамытуға және құқық саласындағы бәсекеге қабілетті мамандарды даярлауға бағытталған маңызды алаңға айналуда.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru