• 11 сәуір 2024
• 802

Бейбіткүл Каримова: "Әйел ғалымдарды қолдау - аса маңызды”

12 сәуір - Қазақстандағы ғылым күні

«Ғалымдардың, оның ішінде әйел ғалымдарымыздың жобалары жетістіктерге жету үшін – оларға қолайлы жағдай жасау аса маңызды. Ер азаматтармен қатар ғылымға бет бұрып, тынымсыз зерттеулер жүргізіп, күнделікті тұрмыс-тіршілікті қатар алып жүрген әйел затының мықтылығы мен жасампаздығын атап өтпеске болмайды. Өйткені әйелдерге ерлермен теңдей талап қойып, ешбір жеңілдік жасалмайды, ғылымда барлығы теңдей ғалым» деді Бейбіткүл Сәрсемханқызы бүгін «Анаға тағзым» орталығында өткен «Ғылымдағы әйелдер: жетістіктер, мәселелер және мүмкіндіктер» атты дөңгелек үстелде.

Ғылым саласындағы қолдаулар мен жетістіктерді де атап өтті. Елімізде докторанттардың стипендиясы 80%-ға ұлғайды. Бұдан былай олардың стипендиясы жыл сайын 15%-ға өсіп отырады және 2025 жылға қарай 260 мың теңгені құрайтын болады. Биылдан бастап 500 ғалымды әлемнің жетекші ғылыми орталықтарына тағылымдамалардан өтуге жіберу және "Жас ғалым" жобасы аясында 1 мың грант бөлу бойынша жұмыстар қолға алынады. Бүгінде Қорқыт Ата атындағы Қызылорда университетінде профессор-оқытушылар құрамының 70 пайызға жуығы әйел адам. Университетте 2023 жылы 27 жоба орындалған болса, оның ішінде ғылыми жетекші болған әйелдер саны – 7 (30%). (Каримова Б.С., Сауытбаева Г.З., Оралова Г.С., Камишева Г.А., Мустафаева А.А., Аубакирова К.К. – 2 жоба, Абдрашева Д.М.)

Ғылыми жобаларды орындау үшін жалпы 169 ғалым тартылған болса, оның ішіндегі әйел ғалымдардың жалпы саны – 88, ал оның 44 (50%)-ы 40 жасқа дейінгі жас әйел ғалымдар.

Айта кету керек, Қорқыт ата атындағы Қызылорда университетінің Басқарма Төрағасы-Ректор Бейбіткүл Сәрсемханқызы “Amanat” партиясы облыстық филиалы бойынша Ғылымдағы әйелдерді қолдау бағытының жетекшісі.