• 25 сәуір 2024
• 617

Қорқыт Ата атындағы Қызылорда университетінің білім беру бағдарламаларын өзектендіру жұмыстары жүргізілуде

Қорқыт Ата атындағы Қызылорда университетінде бакалавриаттың 66, магистратураның 34, докторантураның 13 білім беру бағдарламалары бойынша маман даярлануда.

2023- 2024 оқу жылында «В068- Азық-түлік өнімдерінің өндірісі» білім беру бағдарламаларының тобына «6В07204- Азық-түлік химиясы» атауымен жаңа білім беру бағдарламасын (Реестрге) тіркеуге өтінім берілді. Қазіргі таңда аталған білім беру бағдарламасы сараптаудан өтуде.

Білім беру бағдарламаларын өзектендіру  мақсатында бакалавриаттың  оқу пәндерін біріктіру немесе жаңа пәнмен алмастыру  жұмыстары атқарылды. Сонымен қатар, 2023 жылдың 20 желтоқсандағы ҚР Ғылым және жоғары білім министрлігінің РОӘК мәжілісінің хаттамалық тапсырмасына сәйкес білім беру бағдарламаларының жұмыс оқу жоспарына «Қаржылық сауаттылық негіздері» пәні 3 кредитпен қосылды және «Ақпараттық-коммуникациялық технологиялар» пәнінің жұмыс бағдарламасына жасанды интеллектті қолдану  бойынша мағлұматты модуль түрінде игерту жолы мақұлданып, шешім қабылданды.

Осы бағытта білім беру бағдарламаларының жетекшілері мен дайындаушылары өңірлік жұмыс берушілердің ұсыныстарын назарға ала отырып, жан-жақты саралау мен талдау жұмыстарын жүргізді, нәтижесінде білім беру бағдарламаларының жұмыс, оқу жоспарлары қайта құрылып, білім беру бағдарламаларының тізіліміне жаңартуға өтінім беру көзделуде.