• 26 ақпан 2025
• 140

«Сирек қолданылатын лексикалық топтың нормалануы» тақырыбында ашық сабақ өтті

Қорқыт ата атындағы Қызылорда университетінде «Сирек қолданылатын лексикалық топтың нормалануы» тақырыбы бойынша ашық сабақ өткізілді.

Дәрісті университеттің «Қазақ тілі мен әдебиеті және журналистика» білім беру бағдарламасының қауымдастырылған профессоры, филология ғылымдарының кандидаты Күлдірсін Сарышова жүргізді. 
Ашық сабақтың жүйелі түрде өтуін қадағалап отыратын профессор Ұлжан Жанбершиева: «Сабақ ақылды мақсатқа құрылды. Ғылыми-әдістемелік екбектерді қолданған. Оқытушы проблемалық сұрақтар арқылы өткен сабақты бүгінмен байланыстырды», - дейді.

Сабақта әртүрлі сирек қолданылатын лексикалық бірліктердің түрлері, олардың мағыналары мен қолдану аймақтары туралы кеңінен түсіндірілді. Студенттерге қазақ тіліндегі бай сөздік қорын қолдану жолдары, сондай-ақ әдеби тілде, ауызекі сөйлеуде және ресми стильде қолданылатын лексикалық бірліктердің айырмашылықтары мен ұқсастықтары көрсетілді. Күлдірсін Сейтжанқызы тілдің ұсақ-түйек нюанстарына да көңіл бөліп, сөздің мағыналық ауқымын кеңейту үшін студенттерге нақты мысалдар мен жаттығулар ұсынды.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru