• 21 мамыр 2026
• 40

ҚҰҚЫҚТЫҚ МӘДЕНИЕТТІ ҚАЛЫПТАСТЫРУҒА БАҒЫТТАЛҒАН ФИЛЬМ КӨРСЕТІЛДІ

Қорқыт ата атындағы Қызылорда университетінің Экономика және құқық институтының студенттеріне BAS Production кинокомпаниясының түсірген «Мошенники 2» көркем фильмі көрсетілді.

Іс-шараның негізгі мақсаты – студенттердің құқықтық сауаттылығын арттыру, құқықтық мәдениетін қалыптастыру, сондай-ақ жастар арасындағы құқық бұзушылық пен зиянды әдеттердің алдын алу.

Фильм көрсету барысында студенттер қоғамдағы алаяқтық әрекеттердің зардаптары, олардың алдын алу жолдары және құқықтық жауапкершілік мәселелері туралы маңызды ақпараттар алды. Сонымен қатар, қатысушылар құқықтық тәрбие бағытындағы пайдалы мәліметтермен танысып, өз ой-пікірлерімен алмасты.

Мұндай тәрбиелік мәні зор іс-шаралар жастардың құқықтық санасын нығайтып, қоғамдағы жауапкершілігін арттыруға ықпал етеді.

Қорқыт ата атындағы Қызылорда университетінің медиа орталығы