• 01 шілде 2026
• 19

ҚАБЫЛДАУ КОМИССИЯСЫ: ПЕДАГОГИКАЛЫҚ БАҒЫТТАҒЫ БІЛІМ БЕРУ БАҒДАРЛАМАЛАРЫ БОЙЫНША АРНАУЛЫ ЕМТИХАНДАР БАСТАЛДЫ

Қорқыт ата атындағы Қызылорда университетінде 1–12 шілде аралығында педагогикалық бағыттағы білім беру бағдарламаларына құжат тапсырған талапкерлер үшін арнаулы емтихандар өтеді. Сынақ университеттің №5 оқу ғимаратында қабылдау комиссиясының ұйымдастыруымен күн сайын үш лек бойынша  жүргізіледі.

Емтихан барысында талапкерлердің педагогикалық қызметке бейімділігі, кәсіби құзыреттері мен жеке қасиеттері бағаланады.

Талапкерлерге жан-жақты қолдау көрсету мақсатында әр білім беру бағдарламасы бойынша жауапты оқытушылар мен мамандар бекітілген. Олар талапкерлерге кәсіби бағдар беріп, білім беру бағдарламаларының ерекшеліктері, оқу үдерісі және болашақ еңбек нарығындағы мүмкіндіктері жөнінде кеңес береді.

Қабылдау комиссиясы барлық кезеңнің ашықтық, әділдік және академиялық адалдық қағидаттарына сай ұйымдастырылуын қамтамасыз етеді.

Қорқыт ата атындағы Қызылорда университетінің медиа орталығы