• 10 тамыз 2026
• 39

АБАЙҒА ҚҰРМЕТ – РУХАНИЯТҚА ТАҒЗЫМ

10 тамыз – Абай күніне орай Абай атындағы үш тілде оқытатын дарынды балаларға арналған мамандандырылған сыныптары бар мектеп аумағында ұлы ақынның рухына тағзым ету рәсімі өтті.
Тағылымды жиынға  Қорқыт ата атындағы Қызылорда университетінің Басқарма төрағасы – Ректор Наурызбай Байқадамов бастаған университет ғалымдары қатысты. Университет өкілдері ақын ескерткішіне гүл шоқтарын қойып, Абайдың рухани мұрасына құрмет білдірді.

Іс-шара барысында ұлы ақынның шығармашылық мұрасы әдеби-музыкалық композициялар арқылы кеңінен насихатталды. Қатысушылар Абайдың «Желсіз түнде жарық ай», «Өзгеге көңілім тоярсың» сынды әндерін тыңдап, ақынның терең ой мен тағылымға толы қара сөздерінен үзінділерге қанықты.

Ғасырлар өтсе де өзектілігін жоғалтпаған Абайдың шығармалары білімге, парасатқа, адамгершілік пен ізгілікке үндейді. Ұлы ақынның мол мұрасы ұлттық руханияттың маңызды бөлігі ретінде жас ұрпақтың рухани-адамгершілік құндылықтарын қалыптастыруға ықпал етіп келеді.