• 19 қыркүйек 2026
• 22

«ТАЗА ҚАЗАҚСТАН»: УНИВЕРСИТЕТ ҚЫЗМЕТКЕРЛЕРІ МЕН СТУДЕНТТЕРІ БОТАНИКАЛЫҚ БАҚТЫ ТАЗАРТТЫ

Қорқыт ата атындағы Қызылорда университетінің қызметкерлері мен студенттері «Таза Қазақстан» республикалық экологиялық акциясы аясында Ботаникалық бақтың аумағын тазарту жұмыстарына қатысты.

Дүниежүзілік тазалық күніне орай ұйымдастырылған экологиялық шара барысында қатысушылар бақ аумағын арамшөптерден арылтып, шашылған қоқыстарды жинап, қоршаған ортаның тазалығын қамтамасыз етуге үлес қосты.

Іс-шараның негізгі мақсаты – қоршаған ортаны қорғауға қоғамның назарын аудару, табиғи аумақтарды таза ұстау мәдениетін қалыптастыру және экологиялық жауапкершілікті арттыру. Сонымен қатар, жастардың табиғатқа жанашырлықпен қарауын қалыптастырып, қоршаған ортаны қорғауға бағытталған қоғамдық бастамаларға белсенді қатысуына ықпал ету.

«Таза Қазақстан» акциясы аясындағы мұндай жұмыстар университет ұжымы мен студенттерінің экологиялық мәдениетті қалыптастыруға және туған өлкенің тазалығын сақтауға бағытталған бастамаларды қолдайтынын көрсетеді.

Қорқыт ата атындағы Қызылорда университетінің медиа орталығы