• 26 қаңтар 2023
• 1386

Академиялық ұтқырлық – әлемдік білім кеңістігінің кілті

Қорқыт ата атындағы Қызылорда университеті мен Ғұмарбек Дәукеев атындағы Алматы энергетика және байланыс университеті арасындағы академиялық ұтқырлық бағдарламасы аясында екі жақты келісім шарт жасалды. Нәтижесінде, 2022-2023 оқу жылының ІІ академиялық кезеңінде «Электр энергетикасы» білім беру бағдарламасының 3-курс білім алушыларына дәріс және тәжірибелік сабақ басталды.

«Электр жетегі» пәнінен «Электр энергетикасы, техносфералық қауіпсіздік және экология» кафедрасының аға оқытушысы, т.ғ.к. Смайыл Тайманов пен АЭжБУ-нің «Электр машиналары және электр жетегі» кафедрасының доценті, т.ғ.к. Ғали Кәкімжан дәріс жүргізуде.
Білім алушылар академиялық кезең бойы сапалы білім беру мен зерттеу бағдарламаларына қол жеткізіп, білімнің жаңа қорын жинамақ.
Айта кетейік, алдағы уақытта академиялық ұтқырлық бағдарламасын іске асыру бойынша екі жақты ынтымақтастықты одан әрі жалғастыру жоспарлануда.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
e-mail: kmu.kmu@list.ru