• 07 сәуір 2023
• 1123

«Төлен Әбдіктің парасат әлемі» атты интеллектуалды сайыс өтті

Қорқыт ата атындағы Қызылорда университетінде «Бір ел, бір кітап» акциясы аясында «Төлен Әбдіктің парасат әлемі» атты интеллектуалды сайыс өтті. 
Сайыста студенттерден құралған «Ақиқат»  және «Оралу»  топтары 4 кезең бойынша бақ сынап, жазушы, драматург Төлен Әбдіктің шығармашылығы  аясында дайындалған сұрақтарға жауап берді. 
Алғашқы «Таным» кезеңінде білім алушылардың жазушы жайындағы білімі сараланды.

Ал, «Әңгіме әлемінде...» кезеңінде жазушының әңгімелері мен повестері бойынша тапсырмалар берілсе, «Қиялыңа қанат бітір» кезеңінде қатысушылар берілген жағдаяттарды өз қиялымен аяқтады. 
Төртінші кезең – «Жазушыға жақын бол. Үй тапсырмасы». Білімгерлердің техникалық тұрғыдағы артықшылықтарын осы бөлім көрсетті.  Себебі, бұл кезде қатысушы топ Төлен Әбдіктің «Әке» шығармасы негізінде бейнетуынды жасап, оны экраннан көрсетті.  

Әдеби шараны Гуманитарлық-педагогикалық институты,  «Қазақ тілі мен әдебиеті және журналистика» кафедрасының жанындағы «Журналист» үйірмесі мен Қорқыт ата атындағы Қызылорда университетінің ғылыми кітапханасының ұйымдастырды.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
e-mail: kmu.kmu@list.ru