• 11 қазан 2023
• 1245

Университет профессоры марапатталды

Қорқыт ата атындағы Қызылорда университетінде  «Орыс тілі мен әдебиеті» білім беру бағдарламасының жетекшісі, филология ғылымдарының кандидаты, қауымдастырылған профессор Пернекүл Есеноваға жоғары білім беру саласындағы көпжылдық еңбегі үшін «Ахмет Байтұрсынұлы атындағы алтын медаль» табысталды.

Пернекүл Сағынтайқызы 1963 жылы 2 шілдеде Қызылорда қаласында дүниеге келген. 1985 жылы С.М.Киров атындағы Қазақ мемлекеттік университетін бітіріп, ҚазССР Білім Министрлігінің шешімімен Н.В.Гоголь атындағы Қызылорда педагогикалық институтына жолданды. Еңбек жолын «орыс тілінің практикалық курсы» кафедрасының оқытушысы болып бастады. Педагогикалық өтілі – 38 жыл.

Ал 2009 жылы Пернекүл Есенова филология ғылымдарының кандидаты ғылыми дәрежесін алды. 2011 жылы тіл білімі бойынша доцент ғылыми атағын иеленді.

Педагог 60-тан астам ғылыми және ғылыми-әдістемелік жұмыстардың, оның ішінде 7 оқу құралының авторы. Сонымен қатар, «Набережный мемлекеттік педагогикалық университетінің хабаршысы» ғылыми-теориялық журналының редакциялық алқа мүшесі. Ғылыми қызығушылық саласы – лексикология, лексикография, когнитивті лингвистика.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
e-mail: kmu.kmu@list.ru