• 10 қаңтар 2024
• 1238

Оқытушылар «Орта білім беруді  жаңғырту» жобасы аясында курсқа қатысуда

Қорқыт ата атындағы Қызылорда университетінде «Орта білім беруді  жаңғырту» жобасы аясында ЖОО оқытушылары әзірлеген білім беру бағдарламаларын масштабтау бойынша оқыту курсы  басталды.

Курстың алғашқы күнінде «Заманауи педагогикалық білім беру трендтері және қолайлы білім беру ортасы» тақырыбы бойынша курстың логикасы мен жұмыс жоспары таныстырылды.

 «Педагогикалық білім берудің заманауи трендтері» тақырыбы аясында  Сингапур, Ұлыбритания, Германия және Финдік білім беру жүйесінің ерекшеліктерімен танысып, топтық жұмыстар жүргізілді.

Финдік білім берудің 7  қағидасы – «Теңдік», «Тегін», «Сенім», «Еркіндік», «Тиімділік», «Өзіндік», «Нәтижеге» бағытталған сапа көрсеткіштері талданды.

Сондай-ақ, «Қолайлы білім беру ортасын     қалыптастыру әдістері мен  құралдары төңірегінде  топтық жаттығулар жүргізілді. «Трендттік аудитория», «тренд холл» , «трендтік қатынастар», «трендтік байланыс және өзара әрекеттесу» бағыттары бойынша жоба жасалынды.