• 26 қаңтар 2024
• 1249

Профессор-оқытушылар құрамы біліктілік арттыруда

Қорқыт ата атындағы Қызылорда университетінің «Экономика және басқару» білім беру бағдарламасының оқытушылары «Әлеуметтік жұмыстағы кейс-технологиялар», «Әлеуметтік кәсіпкерлік және әлеуметтік жобаларды дайындау» атты 72 сағаттық біліктілікті арттыру курстарынан өтті.

Курста әлеуметтік жұмыс саласында мәселелерді зерттеп, шешуде кейс-технологияларды пайдалану жолдары   мен әдістерімен танысқан. Сондай-ақ, экокартаны құрастыру бағыттарымен генограмма жасау, қажеттіліктер ұшбырышы, кейстерді талдап, ондағы проблемаларды анықтап шешу жолдарын және тағы басқа көптеген мәліметті қарастырған.

Айта кету керек, курсты Нархоз университетінің қауымдастырылған профессоры, PhD доктор, халықаралық тренер Гүлзада Абенова жүргізді.

Профессор-оқытушылар құрамы курс соңында сертификаттарға ие болды. Сонымен қатар, алған білімді, тәжірибе мен мәліметтерді оқу процесінде қолдануда.