• 16 ақпан 2024
• 1101

Университет студенттері жүлделі I орынды иеленді

«Respublica» партиясының Қызылорда облыстық филиалы және “Кітап құрттары” кітап клубының бастамасымен Қызылорда қаласындағы жоғары оқу орындары мен колледж студенттерінен жасақталған командалар арасында   «KitapQuiz» зияткерлік сайысы өтті. 

Сайыста Қорқыт ата атындағы Қызылорда университетінің командасы жүлделі І орынды иеленді.  Университет намысын Ерасыл Шайұзақов, Салима Мугжапбар, Гүлнұр Әбіш секілді студенттер қорғады.

4 кезеңнен тұрған сайыста қатысушы командалар слайдта көрсетілген суреттер арқылы кітаптың авторын немесе шығарма атауын табулары керек болды және әлем жазушылары мен шығармаларынан сұрақтар қойылды. Сонымен қатар, қазақ жазушыларының шығармалары мен кітап сюжетіне негізделген кинолар туралы тапсырма берілген. Барлық кезеңнің қорытындысы бойынша, университет командасы 40 сұрақтың 28-не дұрыс жауап беріп, өздерінің білімін көрсете білді. Жүлделі орын алған командаларға сайыстың демеушілері тарапынан ақшалай сыйлықтар табысталды.

Кітап құмар студенттерді жеңістерімен құттықтаймыз!