• 11 наурыз 2024
• 518

АРТА сыртқы сараптау комиссиясының университетке сапары аяқталды

2024 жылғы 26 ақпан мен 6 наурыз аралығында Қорқыт Ата атындағы Қызылорда университетін  мамандандырылған халықаралық аккредиттеу шеңберінде Аккредиттеу және рейтинг тәуелсіз агенттігі (АРТА) сарапшыларының сыртқы сараптау сапары өтті. Сыртқы сараптау сапары 3 этапты құрады. Комиссия құрамына Қазақстан Республикасы, Испания, Ресей және Әзірбайжан жоғары оқу орындарының өкілдері, жұмыс берушілер мен студенттер өкілдері кірді.

Сапар барысында сарапшылар тобы университеттің материалдық-техникалық инфрақұрылымымен: оқу ғимараттарымен, кітапханамен, мамандандырылған кабинеттермен, зертханалармен, спорт базасымен, жатақханалармен, тәжірибе базаларымен танысты.

ЖОО әкімшілік басқару аппаратымен, құрылымдық бөлімшелерінің басшыларымен, профессорлық-оқытушылық құраммен, білім алушылармен, университет түлектерімен, жұмыс берушілермен кездесулер өткізілді.

Сарапшылар кафедраларды аралап, профессор-оқытушылар құрамының сабақтарына қатысты.

Сыртқы сараптау комиссиясының ЖОО басшылығымен қорытынды кездесуінде комиссия төрағасы университет қызметін жетілдіру бойынша ұсыныстар айтты.