• 27 наурыз 2024
• 304

Онлайн форматта жиын өтті

Қорқыт ата атындағы  Қызылорда университетінде Технологиялар мен инновацияларды қолдау орталығын (ТИҚО)  құру және орнықты дамыту туралы  жиын өтті.

Өнертабыстар, пайдалы модельдер және селекциялық жетістіктер департаментінің басшысы А. Батырбекова «Өңірдің патенттік және өнертапқыштық белсенділігі» тақырыбында арнайы баяндама жасады. Онлайн форматта өткен отырыста зияткерлік меншік пен дараландыру құралдарының негізгі түрлері, техникалық шешімдерді жинау, патенттік-ақпараттық іздестіру, іздестіру нәтижелерін ескере отырып, техникалық шешімдерді талдау және сипаттаманы қалыптастыру сияқты мәселелері қаралды.

Патенттік зерттеулер және ТИҚО үйлестіру бөлімінің басшысы Н.Бақтыбаева «Қазақстан Республикасының ТИҚО ұлттық желісі және ТИҚО-ның әлемдегі жұмыс тәжірибесі және оның Қызылорда өңіріндегі даму перспективалары» тақырыбына тоқталды. ТИҚО деген не және оның міндеттері, талаптары, ерекшеліктері сияқты мәселелер қаралды.

Сондай-ақ, орталықтың кадрлық әлеуетін кәсіби дамыту, ақпараттық қолдау және орталықты техникалық ресурстық мәселелері көтерілді.

Семинар соңында Зияткерлік меншік және Орнықты даму мақсаттары: ортақ болашақтың игілігі жолындағы инновациялар мен шығармашылық мәселелері бойынша пікірлер айтылды.