• 02 сәуір 2024
• 293

«Әлемді ғылым құтқарады-2024» ғылым айлығы басталды

Қорқыт ата атындағы Қызылорда университетінде «Әлемді ғылым құтқарады-2024» атты 1-30 сәуір аралығында ғылым айлығы басталды. Бүгін білім ордасының ғылыми орталықтарында пресс-тур өтті.  Онда университеттің коммерцияландыру бөлімінің басшысы Нұржан Еділбаев Корнелл Университетінің профессоры Джон Каразерс пен БАҚ өкілдерін ғылыми орталық жұмыстарымен таныстырды.

«Физика-химиялық талдау әдістері» инженерлік бейіндегі зертхана, «Су шаруашылығы және жерге орналастыру» музейі, Сеултех, Ботаникалық бақ жылыжайы, Т.Д.Қуанышбаев атындағы химия-биологиялық зерттеулер ғылыми-білім беру орталығы, «Қорқыттану», «М.Шоқайтану» және «Археология және этнография» ғылыми орталығында ғалымдардың еңбектерімен танысты.  Бір ай көлемінде шетелдік ғалымдар мен университет ғалымдары дәріс оқып, семинарлар өтеді. Кездесулер мен түрлі іс-шаралар ұйымдастырылады.