• 11 сәуір 2024
• 267

Қорқыт ата атындағы Қызылорда университетінің ұжымы экологиялық акцияға қатысты

Қорқыт ата атындағы Қызылорда университетінің ұжымы мен білім алушылары Мемлекет басшысы Қасым-Жомарт Кемелұлының бастамасымен жүзеге асып жатқан «Таза Қазақстан» экологиялық акциясында университеттің Ботаникалық бағында ағаш көшеттерін отырғызып, тазалық жұмыстарын жүргізді.

Акция барысында университеттің Басқарма Төрағасы-Ректор Бейбіткүл Каримова, 250-ге жуық оқытушы-профессорлар мен студенттер ағаш көшеттерін отырғызып, қаланың жасыл желекке айналуына атсалысты.

Аймақтың ең үлкен іргелі оқу орны Қорқыт ата университетінің Ботаникалық бағы қалаға көрік беретін жасыл желек ғана емес, студенттердің тәжірибелік сабақтарының базасы болып табылады.

Аталған оқу орнының студенттері апта сайын дәстүрлі түрде көктемгі көгалдандыру жұмыстары мен ағаш көшеттерін отырғызуға белсенді қатысып келеді.